సిగలో అవి విరులో

చిత్రం: మేఘసందేశం (1982)
సాహిత్యం: దేవులపల్లి వేంకటకృష్ణశాస్త్రి
సంగీతం: రమేశ్ నాయుడు
నేపథ్య గానం: కట్టాసెరి జోసెఫ్ యేసుదాస్

సిగలో అవి విరులో అగరు పొగలో అత్తరులో
మగువ సిగ్గు దొంతరలో మసలే వలపు తొలకరులో

ఎదుట నా యెదుట యేవో సోయగాల మాలికలు
మదిలోన గదిలోన మత్తిలిన కొత్త కోరికలు
నిలువనీవు నా తలపులు మరీ మరీ ప్రియా ప్రియా
నిలువనీవు నా తలపులు నీ కనుల ఆ పిలుపులు

జరిగి యిటు వొరిగి పరవశాన యిటులే కరిగి
చిరునవ్వుల అరవిడిన చిగురాకు పెదవుల మరిగి
మరలి రాలేవు నా చూపులు మరీ మరీ ప్రియా ప్రియా
మరలి రాలేవు నా చూపులు మధువుకై మెదలు తుమ్మెదలు