మరల తెలుపనా ప్రియా మరల తెలుపనా

చిత్రం: స్వయంవరం (1999)
సంగీతం: 'వందేమాతరం' శ్రీనివాస్
సాహిత్యం: భువనచంద్ర
నేపథ్య గానం: కె యస్ చిత్ర

మరల తెలుపనా ప్రియా మరల తెలుపనా
ఎదలోయల దాచుకున్న మధురోహల పరిమళాన్ని
కనుపాపలు నింపుకున్న చిరునవ్వుల పరిచయాన్ని

విరబూసిన వెన్నెలలో తెరతీసిన బిడియాలని
అణువణువు అల్లుకున్న అంతులేని విరహాలని
నిదురపోని కన్నులలో పవళించు ఆశలని
చెప్పలేక చేతకాక మనసు పడే తడబాటుని

నిన్నలేని భావమేదో కనులు తెరిచి కలయజూచి
మాటరాని మౌనమేదో పెదవి మీద వొదిగిపోయి
ఒక క్షణమే ఆవేదన మరుక్షణమే ఆరాధన
తెలియరాక తెలుపలేక మనసు పడే మధుర బాధ

చిన్నినవ్వు జల్లిపోవే ప్రియతమా

చిత్రం: కనులు మూసినా నీవాయే (2002)
సంగీతం: చక్రి
సాహిత్యం: కందికొండ
నేపథ్య గానం: హరిహరన్

చిన్నినవ్వు జల్లిపోవే ప్రియతమా
చందనాలు చిందిపోవే ప్రాణమా
బిందువై నను తాకిపోవే ప్రియతమా
సింధువై మది నిండిపోవే ప్రాణమా
హృదివాణివై హృదయానివై
ఈ హాయిలో కిరణానివై
నా కంటి పాపల్లో దీపాల వెలుగై
నా గుండె లోతుల్లో స్వప్నాల జడివై

నిను చూస్తూ కూర్చుంటే వో సంబరం
నా చెంతే వున్నట్టు ఆ అంబరం
నీ రూపు కలలెన్నో వెదజల్లి పోయింది
ఎద యేంటి మేఘంలా ఎగిరెళ్ళి పోతోంది
సఖి నువ్వే నాలోని అలజడికే ఆకారం
నువు కాదా లోలోనే తొలి ప్రేమకు శ్రీకారం
నాలోని భావాలు యిక తెలిపేదెలా

ప్రతిరోజు నిదురల్లో వో కలవరం
కెరటాలై పొంగింది మది సాగరం
మనసేమో చిత్రంగా నిన్నేలే అడిగింది
ఎద యేమో ఆత్రంగా నీకోసం వెతికింది
అణువణువును జత చేసి నిర్మించా గోపురమే
నువు చిందే చిరునవ్వే నా పాలిట ప్రియవరమే
నాలోని భావాలు యిక తెలిపేదెలా

కోతిబావకు పెళ్ళంట

చిత్రం: మల్లీశ్వరి (1951)
సంగీతం: సాలూరి రాజేశ్వరరావు
సాహిత్యం: దేవులపల్లి వేంకటకృష్ణశాస్త్రి
నేపథ్య గానం: భానుమతి

కోతిబావకు పెళ్ళంట
కోవెలతోట విడిదంట

మల్లి మాలతి వస్తారా
మాలికలల్లి తెస్తారా
బంతి జాజి చేమంతి
బంతులు కట్టి తెస్తారా
పెళ్ళికి మీరు వస్తారా
పేరంటానికి వస్తారా
పందిరి వేస్తాము
ముందుర ముగ్గులు పెడతాము
పందిరికింద పెళ్ళివారికి విందులు చేస్తాము
మంచి విందులు చేస్తాము
బాకా బాజా డోలు సన్నాయ్
మేళాలెడతారు తప్పెట తాళాలెడతారు

అందాల మా బావగారికి గంధాలు పూసి
గారాల మా బావమెడలో హారాలు వేసి
కుళ్ళాయెడతాము
కుచ్చుల తురాయి పెడతాము
హారాలేసి గంధం పూసి కుళ్ళాయేసి తురాయి పెడతాము
కుచ్చుల తురాయి పెడతాము
పల్లకి యెక్కి కోతిబావ పళ్ళికిలిస్తాడు
బావ పళ్ళికిలిస్తాడు
మా కోతిబావ పళ్ళికిలిస్తాడు

మీనలోచనాంబపై వేటూరివారి చిలకపలుకులు - మధుర మధురతర మీనాక్షీ

చిత్రం: అర్జున్ (2004)
సంగీతం: మణిశర్మ
సాహిత్యం: వేటూరి సుందరరామమూర్తి
గానం: ఉన్నికృష్ణన్,హరిణి

మధుర మధురతర మీనాక్షి కంచి పట్టున కామాక్షి
మహిని మహిమగల మీనాక్షి కాశీలో విశాలాక్షి
జాజి మల్లెల ఘుమఘుమల జావళీ
లేతసిగ్గుల సరిగమల జాబిలి
అమ్మా మీనాక్షీ, ఇది నీ మీనాక్షి

వరములు చిలక
స్వరములు చిలక
కరమున చిలక కలదానా
హిమగిరి చిలక
శివగిరి చిలక
మమతలు చిలక దిగిరావా

అఙ్గారం వాగైనది ఆ వాగే వైగైనది
ముడిపెట్టే ఏరైనది విడిపోతే నీరైనది
భరతనాట్య సంభరిత నర్తకి కూచిపూడిలో తకధిమిత
విశ్వనాథుని ఏకవీర ఆ తమిళ మహిళల వలపు గద
మనసే మథురై కొలువైన తల్లి మా మీనాక్షి
ఎదలో యమునై పొంగేటి ప్రేమకిది సాక్షి

అందాలే అష్టోత్తరం చదివించే సొగసున్నది
సొగసంతా నీరాజనం అర్పించే మనసున్నది
మధురనేలు మా తెలుగు నాయకుల మధుర సాహితీ రసికతలో
కట్టబొమ్మ తొడగొట్టి వేచిన తెలుగు వీర ఘన చరితలలో
తెలుగు తమిళం జతకట్టెనెన్నడో మీనాక్షి
మనసు మనసు వొకటైన జంటకిది సాక్షి

---

ప్రయోగ విశేషం:
వరములు చిలక [చిలక = ఇవ్వటానికి]
స్వరములు చిలక [చిలక = పల్కటానికి]
కరమున చిలక కలదానా [చిలక = పక్షి]
హిమగిరి చిలక [చిలక = కూతురు]
శివగిరి చిలక [చిలక = కోడలు, ఇల్లాలు]
మమతలు చిలక దిగిరావా [చిలక = పంచటానికి]

నా గుండె గుడిలో

చిత్రం: విలన్ (2003)
సంగీతం: విద్యాసాగర్
సాహిత్యం: భువనచంద్ర
నేపథ్య గానం: ఉన్నికృష్ణన్,సుజాత

నా గుండె గుడిలో నువు శిలవా దేవతవా
నా వలపు బడిలో నువు గురువా శిష్యుడివా
నీ కనుల వొడిలో నే కలనా కాటుకనా
నీ పెదవి తడిలో నే ముద్దునా మధురిమనా
నీ సొగసు పొగడ నే కవినా కల్పననా

నే బిడియపడితే నువు గిలివా చెక్కిలివా
నే విరహమైతే నువు రతివా కోరికవా
నే పాపనైతే నువు వొడివా వూయలవా
నే నిదురనైతే నువు కలవా కౌగిలివా
నే హృదయమైతే నువు వూపిరివా సవ్వడివా

నే గగనమైతే వేసవివా వెన్నెలవా
నే నదిని ఐతే నువు అలవా అలజడివా
నే విందునైతే నువు రుచివా ఆకలివా
నే భాషనైతే నువు స్వరమా అక్షరమా
నే పాటనైతే నువు శృతివా పల్లవివా

నే తోటనైతే ఆమనివా కోయిలవా
నే జంటకొస్తే నువు ఋషివా మదనుడివా
నీ యెదుటపడితే పిలిచేవా వలచేవా
నిను నేను పిలువకుంటే నువు అలగవా అడగవా
నను ప్రేమించమంటే తప్పా వొప్పా

నీలోన వుంది నేనే కదా
నాలోన వుంది నీవే కదా
ఎదలోని వలపే ఎదురెదురు చూసి వానలాగ కురిసేనులే

ఈ పాట తమిళం(தமிழ்) version -- ఉన్ సమయల్ అరయిల్ (உன் ஸமயல் அரயில்) -- యిక్కడ చూడండి.

ప్రేమంటే యేమిటంటే

చిత్రం: శీను (1999)
సంగీతం: మణి శర్మ
సాహిత్యం: వెన్నెలకంటి
నేపథ్య గానం: హరిహరన్,సుజాత

ప్రేమంటే యేమిటంటే నిను ప్రేమించినాక తెలిసే
మనసంటే యేమిటంటే అది నీకివ్వగానె తెలిసే
ఇదివరకు తెలియంది యీ అనుభవం
ఎద మేలుకొలిపింది యీ పరిచయం
ఓ...

నీ కళ్ళ వాకిళ్లలో తలుపు తెరిచెను ప్రేమ
మోహాల ముంగిళ్లలో వలపు కురిసెను ప్రేమ
ఈనాడే తెలిసింది తొలిసారిగా యెంత తీయంది ప్రేమని
ఆకాశ దీపాలు యిల చేరగా తెర తీసింది ఆమని
ఇది సంగీతమో తొలి సంకేతమో
ఇది ప్రియగీతమో మధు జలపాతమో

ఏనాడు యే దేవతో మనను కలిపిన వేళ
ఈనాడు యీ దేవితో మనసు తెలిపెను చాల
కాలాలు వొకసారి ఆగాలిలే మన తొలిప్రేమ సాక్షిగా
లోకాలు మన వెంట సాగాలిలే మన ప్రేమికుల తోడుగా
ఇది ఆలాపనో మది ఆరధనో
మన సరసాలకే తొలి సంకీర్తనో