చిత్రం: మీనా (1973)
సాహిత్యం: ఆరుద్ర
సంగీతం: రమేశ్ నాయుడు
నేపథ్యగానం: సుశీల
శ్రీరామనామాలు శతకోటి ఒక్కొక్క పేరు బహుతీపి
తండ్రి ఆనతి తలఁదాల్చు తనయుడు దశరథరామయ్య స్తవనీయుడు
కడు మేటి విలువిఱిచి కలికని చేపట్టు కళ్యాణరామయ్య కమనీయుడు
సుదతి జానకి తోడ శుభసరసమాడేటి సుందరరామయ్య సుకుమారుడు
కోతి మూకలతో లంకపై దండెత్తు కోదండరామయ్య రణధీరుడు
పవమాన సుతుడు పాదాలు పట్టగా పట్టాభిరామయ్య పరంధాముడు
అవనిలో సేవించు ఆశ్రితుల పాలించు అచ్యుతరామయ్య అఖిలాత్ముడు
Friday, April 03, 2009
Subscribe to:
Post Comments (Atom)
0 అభిప్రాయాలు:
Post a Comment