లలితకళారాధనలో వెలిగే

చిత్రం: కళ్యాణి (1979)
సాహిత్యం: సి నారాయణరెడ్డి
సంగీతం: రమేశ్ నాయుడు
నేపథ్యగానం: శ్రీపతిపండితారాధ్యుల బాలసుబ్రహ్మణ్యము

లలితకళారాధనలో వెలిగే చిరుదివ్వెను నేను
మధురభారతి పదసన్నిధిలో ఒదిగే తొలి పూవును నేను

ఏ ఫలమాశించి మత్తకోకిల ఎలుగెత్తి పాడును
ఏ వెల ఆశించి పూచే పూవు తావిని విరజిమ్మును
అవధిలేని ప్రతి అనుభూతికి ఆత్మానందమే పరమార్థం

ఏ సిరి కోరి పోతన్న భాగవతసుధలు చిలికించెను
ఏ నిధి కోరి త్యాగయ్య రాగజలనిధులు పొంగించెను
కమనీయ కళావిష్కృతికి రసానందమే పరమార్థం